Ni Edwin Esteba
Hindi maaalis sa ating mga pilipino
Ang mainggit sa kapwa nito
Sa halip kasi na magtulungan tayo
Bakit kailangan hatakin mo pababa ito?
Kung ang isang tao ay may nagagawang mabuti
Matuwa ka kapag siya ay pinupuri
Huwag siyang sisiraan na parang nakapandidiri
Ginagawa niyang mabuti para sa nakakarami
Kung ikaw ay walang maitutulong
Huwag ka sanang panay ang bulong
Kung gusto mong samahan ay maisulong
Kapag tama dapat ikaw ay sasang ayon
Daig mo pa ang isang talangka
Mga kasamahan hihilahin pababa
Sa totoo wala ka naman nagagawa
Kung hindi ang manira sa iyong kapwa
Mataas ang tingin mo sa iyong sarli
Akala mo lugar na ito ay iyong nabili
Sana ikaw ay mag muni muni
Posisyon mo sa iyo ay hindi mananatili