Ni Edwin Esteba
Akala yata nila kami ay bangko
Bawat tawag nila pwede sila magwidraw
Hindi nila iniisip mga ofw nagsasakripisyo
Upang makapagpadala ng sustento
Sino ba gustong umalis ng pilipinas?
Kung sa abroad hirap ay makakaranas
Sa mga dahas kailangan pang umiwas
Minsan iyong iba hindi nakakatakas
Minsan mga ofw ay inyo rin tanungin
Pag aabroad ano ba ang layunin?
Hindi ba para sa kinabukasan natin
Bakit ang iba panay ang hingi at hiling?
Sa munting sweldo kanyang pina parti parti
Upang maipadala sa kanyang family
Kaya kung kulang sila sa diskarte
Baka maisipan pa nilang magbenta ng karne
Mga katawan nila ay hindit robot
Sa sobrang hirap na kanilang inaabot
Mga kamay nila ay kumukulubot
Upang sa pamilya ay may maiabot
Mga ofw ay inyong paniwalaan
Kung sa hiling nyo hindi mapagbigyan
Dahil lahat kailangan pagtrabahuhan
Upang sa inyo ay may maipadala lamang
Huwag nyo silang sasabihan na madamot
Dahil sa abroad pera ay hindi pinupulot
Kaya nilang tiisin sobrang pagod
Pero pamilya ayaw nilang nalulungkot